“জুবিনৰ নাম লৈ অসম অশান্ত নকৰিব” — আদালতত সাংস্কৃতিক কৰ্মীৰ মন্তব্যক লৈ নতুন চৰ্চা
জুবিনৰ ন্যায়ৰ আন্দোলন সন্দৰ্ভত আদালতত কি ক’লে সাংস্কৃতিক কৰ্মীয়ে?
জুবিন গাৰ্গৰ মৃত্যুৰ ন্যায়ৰ দাবীত ৰাজ্যজুৰি অব্যাহত থকা প্ৰতিবাদ আৰু আন্দোলনৰ মাজতে আদালতত এগৰাকী পৰিচিত সাংস্কৃতিক কৰ্মীয়ে দিয়া বক্তব্যই বিশেষ চৰ্চা লাভ কৰিছে। প্ৰাণৰ শিল্পী জুবিন গাৰ্গৰ নাম লৈ আন্দোলন কৰাৰ প্ৰসংগত সাংস্কৃতিক কৰ্মীগৰাকীয়ে কৰা মন্তব্যই নতুনকৈ প্ৰশ্নৰ অৱতাৰণা কৰিছে।
আদালতত সাক্ষ্য প্ৰদানৰ সময়ত সাংস্কৃতিক কৰ্মীগৰাকীয়ে কয়,
“প্ৰাণৰ শিল্পী জুবিন গাৰ্গৰ অসমখন অশান্ত নকৰিব। জুবিনৰ নাম লৈ মোৰ ঘৰত আন্দোলন হোৱা বুলি গম পালে খোদ জুবিনেও কষ্ট পাব।”
“জুবিনৰো ভুল আছে”
” সিয়ো পানীত যাব নালাগিছিল। “
জুবিন গাৰ্গৰ ন্যায়ৰ দাবীত আন্দোলন চলি থকাৰ সময়তে আদালতত দিয়া এই বক্তব্যই বিভিন্ন মহলত প্ৰতিক্ৰিয়াৰ সৃষ্টি কৰাৰ সম্ভাৱনা দেখা দিছে।
জুবিনৰ ন্যায়ৰ আন্দোলনক লৈ প্ৰশ্ন
জুবিন গাৰ্গ কেৱল এগৰাকী শিল্পী নহয়, তেওঁ অসমৰ জনসাধাৰণৰ আৱেগ, ভালপোৱা আৰু সাংস্কৃতিক পৰিচয়ৰ সৈতে গভীৰভাৱে জড়িত। সেয়েহে তেওঁৰ মৃত্যুৰ ন্যায়ৰ দাবীত চলি থকা আন্দোলনক লৈ ৰাজ্যৰ বিভিন্ন প্ৰান্তত চৰ্চা অব্যাহত আছে।এনে পৰিস্থিতিত আদালতত দিয়া বক্তব্যসমূহে আন্দোলনৰ প্ৰকৃতি, প্ৰতিবাদৰ প্ৰয়োজনীয়তা আৰু শান্তি-শৃংখলা ৰক্ষাৰ বিষয়টোক পুনৰ চৰ্চালৈ আনিছে।
ন্যায়ৰ দাবীত প্ৰতিবাদ কৰাটো গণতান্ত্ৰিক অধিকাৰ। একে সময়তে প্ৰতিবাদৰ সময়ত শান্তি, সংযম আৰু সামাজিক সম্প্ৰীতি ৰক্ষা কৰাটোও গুৰুত্বপূৰ্ণ।
আপোনাৰ মতামত কি?
জুবিন গাৰ্গৰ ন্যায়ৰ দাবীত চলি থকা আন্দোলন সন্দৰ্ভত আপোনাৰ দৃষ্টিভংগী কি?
জনাওক আপোনালোকৰ মতামত।
জুবিনৰ ন্যায়ৰ দাবীত চলি থকা আন্দোলন সন্দৰ্ভত আপোনাৰ চিন্তা, মতামত আৰু দৃষ্টিভংগী কমেণ্টৰ জৰিয়তে প্ৰকাশ কৰক।
News Desk | People’s TV
